al-jaree7.com
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالرئيسية  البوابةالبوابة  التسجيلالتسجيل  أحدث الصورأحدث الصور  دخولدخول  

 

 قصة واقعيه من قصايد طارق المحياس

اذهب الى الأسفل 
4 مشترك
كاتب الموضوعرسالة
معتلي شاني^^
نائبة المدير
نائبة المدير
معتلي شاني^^


انثى عدد الرسائل : 2462
العمر : 33
العمل/الترفيه : لا تعليـق >_<
المزاج : متقلب ^^
تاريخ التسجيل : 09/01/2008

قصة واقعيه من قصايد طارق المحياس Empty
مُساهمةموضوع: قصة واقعيه من قصايد طارق المحياس   قصة واقعيه من قصايد طارق المحياس I_icon_minitimeالأحد 24 فبراير - 2:45

حبيت اعرض عليكم قصيده عيبتني ونقلتها لكم .. تحمل قصه واقعيه .. قصه حب انتهت بسبب جشع وطمع بعض الاهالي.. قصه حب حكم عليها بالاعدام .. هذه القصيده بقلم شاعرها .. المبدع دايما طارق المحياس .. الشاعر الاماراتي المتألق

يقول الشاعر عن القصيده : هذي القصيده عباره عن قصه واقعيه صارت لواحد من اعز ربعي .. وانا كتبتها على اساس انها قصيده و اسم البنت (ياسمين)

وهذي هي القصيده بصوت شاعرها .. مع الملاحظ ان في مقاطع من القصيده يلقيها الشاعر وهو يبكي ..!!


ليش قلبج يا بعد عمري حزين .. والله مو بلايق عليج هذا الزعل
يا حلاتج يوم انتي تضحكين .. افتحي قلبج وقولي وش حصل ؟
من تجرأ من قطف هالياسمين .. من حرمه الزين قبل ما يكتمل
من كسر لقبه وشعوره بكلمتين .. ويدري قلبه للعتب ما يحتمل
منهو ارخص قيمه الغالي الثمين .. ويدري انه في عيوني له محل
ومن يقول الحب ما يقطر حنين .. ومن يقول انه وسط قلبي ذبل


يلا قومي يلا لاتتكيسلين .. خلي حلمي وياج يوصل لي زحل
يلا قومي يلا لاتتشاورين .. خلي حبنا يكون للعالم مثل


قالت اصبر قلت انتي تامرين .. وطالعتني بعين يملاها الوجل
ولا اردايا ذرفت دمعتين .. وقالت ان الزين ابد ما يكتمل ..


قلت قوليلي ترى سرج دفين .. ما بخبر حد لو مهما حصل
بس دخيلج ما ابي هالدمع يبين .. مو بعشان شي بس والله ما حتمل
طالعتني وقلت لها شطالعين .. ماله داعي للعواطف والخجل
هذا مو بوقته في ويهي تسرحين . جاوبي احساس قلبي اللي سأل


قالت الشده بعد فترة تلين .. والفرح يقبل اذا باقي امل
والشقى لازم في يوم انه يهين .. والصعب يأتيه وقت يكون سهل


قلت لها قوليلي ولا تلمحين .. ما احب اسمع كلام به جدل
قولي شالموضوع اذا انج تسمحين .. وخلي الخوف اللي فيني يرتحل


قالت اهلي ساوموني بدرهمين .. وقرروا انهم يزوجوني بعجل
يه خطبني شخص بعمري مرتين .. ويابو المأذون والعقد اكتمل
وافقوا لانهم ذماله طامعين .. وبالتجاره والمراكز والفلل
ليش لأ دام انهم رابحين .. يمكن انهم يطلعون بكم محل..‍‍!


قالت إلحقني إلحقني ومد لي هاليدين .. ضاع فكري وطار من راسي العقل
من لي غيرك اشتكي له يالضنين .. عطني رايك عطني ولو ذره امل
صرت انا وياك ضمن التايهين .. والحزن في دربنا توه استهل
ليش يا دنيا في ويهي تعبسين .. حظي المايل متى بس يعتدل


قالت تكلم ولو بس جملتين .. لا اتم ساكت ترى وردي ذبل
قول اي شي قول لو كلمتين .. وانت اللي بس لامره امتثل


صدمتي كانت معاها صدمتين.. صدمتني كانت في هالمره دبل.
كنت ابي اسالها شرايج تملجين .. دام اخذنا الدبله والحب اكتمل ..


ما نطقت بشي وانا ميت حزين .. والدمع من فوق وجناتي همل
قمت اشاهق مابي انوحي يبين .. كني خيل باعلى صرخاته صهل


قمنا نطالع بعض عين بعين .. ما تكلما إلين الليل حل
قالت انطق لاتقول انزين انزين .. وانا ساكت والفرح عني رحل


كنت اظن احنا لبعضنا مكملين .. مادريت ان الحظ عاند بالفعل
كنت انا وحدي في عالمها سجين .. وكنت اقول الحظ اخيرا اعتدل


قلت لها اذكر كلامج لين الحين .. يوم تقوليلي تراك احسن ريل
صحت فجأه وقلت لها تذكرين . يوم كنا نخطط لشهر العسل ..‍
قلت عشاني قومي ولا تزعلين .. وارضي بالواقع مادام انه حصل
اسمج بيبقى وسط قلبي دفين .. والقمر لازم في يوم بيكتمل
والله بفرح دام انتي بتفرحين . يلا خلينا بعرسج نحتفل
واصفعتني كف عالخد والجبين .. وقالت انت قاعد تكلم طفل..؟


قلت لها وصوتي بنبراته حزين .. اوعديني هالزعل اخر زعل
لانه قلبج ينعرف يوم تزعلين .. والله مو بلايق عليج هذا الزعل
ومهما ناديتج ابد لا تجاولين .. قصه الحب انتهت انتهت مات البطل


افترقنا بعد كل هذي السنين .. وللاسف حبنا في هالمره فشل
انتهى مشوار احلى عاشقين ..كلن بدربه ولكن ما وصل
كل واحد ينسى مع مر السنين . لكن الذكرى امرها مو بسهل
لين اخر يوم في عيني تسكنين .. وصورتج تبقى مثل بدر اكتمل


في بعض الاوقات اقعد مستكين .. بس افكر لين يذبحني الملل
بالفعل قطفوا زهور الياسمين .. قطفوا الزهره قبل ما تكتمل ...!!



للشاعر طارق المحياس

معتلي شاني ^^
الرجوع الى أعلى الصفحة اذهب الى الأسفل
دلوعة حبيبي
مراقبة
دلوعة حبيبي


انثى عدد الرسائل : 1594
العمر : 34
المزاج : باد مووود
تاريخ التسجيل : 13/01/2008

قصة واقعيه من قصايد طارق المحياس Empty
مُساهمةموضوع: رد: قصة واقعيه من قصايد طارق المحياس   قصة واقعيه من قصايد طارق المحياس I_icon_minitimeالأحد 24 فبراير - 22:54

حلااااااااامـ

يقطـع القلب حـالهمـ



صح لســانه ولا هــان منطــوقـه
بصـراحـه القصيــدة روووعـه


وتسلمـين ع الطـرح






تقبـلي مـروري ^_^
الرجوع الى أعلى الصفحة اذهب الى الأسفل
http://a7la-group.ahlamontada.com
معتلي شاني^^
نائبة المدير
نائبة المدير
معتلي شاني^^


انثى عدد الرسائل : 2462
العمر : 33
العمل/الترفيه : لا تعليـق >_<
المزاج : متقلب ^^
تاريخ التسجيل : 09/01/2008

قصة واقعيه من قصايد طارق المحياس Empty
مُساهمةموضوع: رد: قصة واقعيه من قصايد طارق المحياس   قصة واقعيه من قصايد طارق المحياس I_icon_minitimeالجمعة 29 فبراير - 2:23

فدييت قلبج انا ^^
ثاانكس ع المرور
نورتي ^_*
الرجوع الى أعلى الصفحة اذهب الى الأسفل
غرور
مراقبة
غرور


انثى عدد الرسائل : 2457
العمر : 33
المزاج : Co0ol
تاريخ التسجيل : 11/01/2008

قصة واقعيه من قصايد طارق المحياس Empty
مُساهمةموضوع: رد: قصة واقعيه من قصايد طارق المحياس   قصة واقعيه من قصايد طارق المحياس I_icon_minitimeالإثنين 3 مارس - 22:57

ثـــانكس عالقصــيده الحــلوه


تقــبلي مرووري
الرجوع الى أعلى الصفحة اذهب الى الأسفل
خوف المشاعر
عضو نشيط
خوف المشاعر


انثى عدد الرسائل : 107
المزاج : co0o0o0o0l
تاريخ التسجيل : 08/01/2008

قصة واقعيه من قصايد طارق المحياس Empty
مُساهمةموضوع: رد: قصة واقعيه من قصايد طارق المحياس   قصة واقعيه من قصايد طارق المحياس I_icon_minitimeالأحد 25 مايو - 22:19

Sad


ثانكس يالغلا ع القصيده

والله الين الحين فـي اهل جهله

والله يعنيها و يحفظها
الرجوع الى أعلى الصفحة اذهب الى الأسفل
 
قصة واقعيه من قصايد طارق المحياس
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
al-jaree7.com :: المنتديات الادبيه :: °o.O خوآطر رومنسية وعذب آلكلآمـ O.o°-
انتقل الى: