مجموعة قصايد الشيخ زايد الله يرحـمه

السلام عليكم ورحمة الله وبركاته...

قصايد الغالي أبونا زايد الله يرحمه ويغمد روحه الجنه يارب العالمين

(هلا بنور الفجر)
هلا بنور الفجر زاح الظلامي
هلا به ألف ترحيبـه وحيـه
هلا به عد مزن في غمامـي
وما هبـت نسيـم المطلعيـه
أقدم لـه تحيـات وسلامـي
جواب يـوم بـادر بالتحيـه
فهيم ويفهم الـمعنى كلامـي
لبيب العـود لفتاتـه ذكيـه
مهاه إيتم إنسـي وانسجامـي
بدونه حالتـي حالـه شقيـه
وحبي له تسبب في غرامـي
أنا راضي ونفسي له هديـه
تملكني وملكنـي بالزمامـي
و انا سلمت له بنفس رضيه
فلا والله لي مثلـي يلامـي
و فعل الخير مايجزى بسيـه
رعاك الله يا ظبي العدامـي
أمير والغواني لـك رعيـه
جدير بكل حبي واحترامـي
و يكفيني متى ترضى عليـه

(يا حي فضل الله)
مرحبا يا حي فضـل الله
حي من تزهي به اوطاني
الغضي لي له قـدر والله
إحترام و يـاه وشانـي
لي ينير الحـوش والفلـه
والحشا منهوب يفلانـي
لي بقلبـي بانـي حلـه
ما يخلفـه واحـد ثانـي
يا شبيه الموز فـي حلـه
تايـه والعـود رويانـي
والهدب لمسويـن ظلـه
فوق طرف العين له زاني
والنهد ثوبيـه قـد شلـه
مثل شوبينـن برمانـي
والمعنـق زاهـي ابدلـه
والخدود بروق فمزانـي

(صوتك الموسيق)
صوتك الموسيق بالهاتف لفانـي
او صويت الراعبي في الموسميـه
ياثليل العين لي صوتـك سبانـي
ياعويد الموز فـي بكـس غنيـه
يا خفيف الروح يا سيد الغوانـي
بين كـل الخـود فايـز بالمزيـه
االسجايا وخاطر لـك مرحبانـي
والحلا في الطبع والنفس الزطيـه
طيفك الشفاف في نومي ظوانـي
ما يفارقنـي صبـاح ولا مسيـه
كامل الاوصاف في فكري وذهاني
انتظر شوفك كما عيـد الضحيـه
وان سالت اليوم يا مانع اش ياني
اني المشتـاق ال حلـو السجيـه
بي فارق الخل لي حبـه كوانـي
قبل لا اشوفه فـي حلـه وزيـه
لي سكن في اليوف ومشيد مبانـي
وحاطها باسوار في قلبـي عليـه
ذاك يللي بـي وسجلتـه وعانـي
للحبيـب امسلـم وادي التحـيـه

(العيد عيدك)
العيد عيدك يـا مهـا الخـود
والافنـا مـا جانـي العـيـد
يا ما كثر اللي هوب مقصـود
هشل ولا تهـزف لـه الليـد
قلبـي امعبـا منـك بنضـود
أو لا له مجال إيضيف ويزيد
إلا انت لي ساكن او موجـود
لك منزل فـي باطـن اسعيـد
يالسولعي يـا تـرف لخـدود
يـا سيـد الخفـرات والغيـد
مهما بعدتنـي عنـك لحـدود
واتوعرت مـن دونـك البيـد
شوقي إلشوفك غيـر محـدود
لو إنـت نائـي عنـي بعيـد
ياني خيالـك والمـلا رقـود
إيزورنـي وانـا بـه اسعيـد
ونشيت ابغي الهاتف ايرود كود
أو عسـاه إلرقمـك ايصـيـد
ناديـت وترييـت مــردود
وياني الجواب اللي لـه آريـد

(دنيــا )

دنيا محلا وطرهـا
فيها زهت الانـوار
كثر الخير وشجرها
و توفرت الاثمـار
يا ها السعد وغمرها
من والـي الاقـدار
عم البـر وبحرهـا
و فاضت بها الانهار
تتوافـد القطـرهـا
عالم مـن الـزوار
تتفسح في شجرهـا
وورودها والازهار
فيها المها مكثرهـا
وريومها والامهـار
يا سعد اللي نظرهـا
وتحف بها الاسرار
نحمد لذي صورهـا
وو هب لها الاخيار
و عظمها في قدرها
بـيـاه واعتـبـار

(إبسم)

إبسـم تبـسـم حيـاتـك
يا قايد الخفـرات والعيـن
عطاك ربي لـك غناتـك
واصبحت سيد في المزايين
هنيت يا سيدي بصفاتـك
وانا غني بك " م " الملايين
كل يوم بي تكبر غلاتـك
والقاك دوم بعينـي تزيـن
من بالحسن سيدي شراتـك
مثلك فلا قد شافت العيـن
الشمس تخجل من بهاتـك
والبدر لك يا نواره يديـن
مثل العسل منطق شفاتـك
ذرب .. وموزون بموازين
والطيب من أصلك وذاتك
اواضح ولا يحتاج تبييـن

(عويد البان)
يا عويد البـان يـا خلـي
يا فريد الحسـن باخوانـه
روف بي يا كامل الدلـي
لا تعـذب نفـس ولهانـه
غيركم يا زين انا من لـي
منتقنك "م " الغـزر دانـه
معك عفت الخود بالكلـي
ماليه في غيركـم خانـه
انت شمسي و انت لي ظلي
و انت لي تسحرني اعيانه
عين خشف الريـم لمفلـي
و الخدود ورود باغصانه
والخشم كالسيـف منسلـي
والشفايـا حمـر رويانـه
أتلـع والجيـد متعـلـي
والشعر طايح على امتانـه
يا بديع الحسـن لا تخلـي
في هواك الروح شفقانـه
شوفني "م" الحب معتلـي
عاكف "ع" لشعر واوزانه

(ان هويتونا هويناكم)
ان هويتونـا هوينـاكـم
وبنتصبر لـي جفيتونـا
ما عرفنا اليـاس وياكـم
ويـن بتسيـرون تلقونـا
مستحيل ان كان ننساكـم
لو تقصدتـوا تهجرونـا
نهجـر الدنيـا بليـاكـم
دونكم ع مري فلا ايكونا
نرخص الغالي العيناكـم
وكل صعب الكم ايهونـا
في الصحا والنوم ننصاكم
لا تسدوا الدرب من دونـا
وفي الحشا والقلب سكناكم
امشيدات اقصور وحصونا
نـور يـا مـن محياكـم
مثل نور الصبح في الكونا
انفردتـوا فـي سجاياكـم
نادرين الحسـن واللونـا
لـو حسبناهـا مزاياكـم
يوصـل التعـداد مليونـا
شاف شرع الحب دعواكم
والهوى له شرع مضمونا
عادل لـو كـان يدراكـم
يالغضي لي دوم مزبونـا
وان طلبتونـا عطيناكـم
وبا انزيد الكـم اوزونـا
وان طلبتونـا عطيناكـم
وبا انزيد الكـم اوزونـا
لو اخذتوا الـزود يفداكـم
حبنـا متـوازن اركونـا

(يالسمرا)
يالسمـرا يالجميلـه
إبيـه زاد الـغـرام
أوعيت عليه الحيلـه
يوم إنشـرن الريـام
من شاموا في مليلـه
وآجاسـي الأسقـام
وحبي اتزايد شعليلـه
ومالذ إليـه المنـام
العيـن إللـي ثليلـه
امفارقهـا حــرام
عفت الفرقا الطويلـه
يومها شرات أعـوام
مع اعيونـي هميلـه
يذرف اوييـري زام
ذاكـر غـر يديلـه
يضفي علـى لجـدام
باني واسدل سبيلـه
فاحم شروى الظـلام
عنـي غبـى دليلـه
حتى ابرويا الحـلام
ولا ريت من يعني له
ينقـل منـي سـلام
ويخص لي نبغي له
توضيح مـن لعـلام
واللي مفارج خليلـه
معـذور مـا ينـلام

(الشهم والقرم له شاني)
آه يا من صوب وحانـي
صوب ما تتيبر اكسـوره
روف بي ياريم لوطانـي
لـك مسلـم ماليـه دوره
لي شخوصلك مالها ثانـي
وقدك المبروم وخصـوره
ونحر فيـه النهـد بانـي
فايق في وصفـه ونـوره
ولاعيان دعج الاوزانـي
حور ولها رموش مظفوره
والسهـم منهـا للعيانـي
بي يراها يوافي خطـوره
الشم والقـرم لـه شانـي
عند لي مثله ومـن دوره
لي عملهم في البلد بانـي
باحترام وجـد مشهـوره
لي مساعيهم بالاحسانـي
في العشاير مالها جـوره
بيـن إنسـان وانسانـي
كم زاحوم الكـدر ثـوره
الظفو يبقـى والاحسانـي
خالد لاهلـه وبسطـوره

(حبك ملك قلبي)
انا ما سعدت بطيب وقتـي ولا حسيـت
إلا بوجـودك شفـت وقتـي ولـذاتـه
لك موقع في داخل القلـب بـه حطيـت
حبـك ملـك قلبـي تحكـم بنبضـاتـه
لا شفت انا شرواك ولا اتصور ولا ريت
مثل الحيا تضفي على الآرض بهجاتـه
ربي عطاك اخلاق اتميـزك واحظيـت
حتى جميل الخود تشهـد لـك اصواتـه
شروى القمـر فـوق الكواكـب تعليـت
كل شهد فـي حكمـة الخالـق وقدراتـه
انت الجميل المميـز لـي بـه تعنيـت
اللي أسرنـي بطيـب اخـلاق عاداتـه
يا هايف الخصرين يـا منـور بالبيـت
يـا جيـد ريـم نافـل عـن مثيلاتـه
وعيـون حـور تحيـي بهـا وتميـت
نظرتك تشفي صويـب منـك ويعاتـه
إرحم رحمك الله لـو ريتنـي تشافيـت
قربـك يزيـح العـوق منـي وليعاتـه
ارجوك واترجاك تضفي علـي بصيـت
ويمناي له فـي لمـس يمنـاك راحاتـه
لولا خيالك في منامـي فـلا غضيـت
يا منوة المقصـود فـي غايـة اوقاتـه
انته طبيب النفـس وانـا لـك تعنيـت
تعلم بما في القلـب وتعـرف خصاتـه

(من وين هذا الريم )
الزين هـذا حلـو وزيـن
خصه يلي لبـس القلايـد
فتان يسبي القلب والعيـن
ابه الحسن والزيـن زايـد
ماشفت انا في وصفه اثنين
ترف الصبا غض النهايد
من وين هذا الريم من وين
لي صار للغـزلان قايـد
مفنود عن كـل المزاييـن
نوره لنور الشمس عايـد
في مبسمـه در مثاميـن
يـك ودنــات فـرايـد
عوده اذا هب الهوا يليـن
فـارع وميـاس ونايـد
تحلى به الاوصاف وتزين
وتزين به حتى القصايـد

(قاصد جداكم)
قاصد جداكم حافـي
يـا حلويـن المشـم
ولكم ضميري صافي
ولغيركـم مايـظـم
وانتوا من الاشرافي
ولـك قـدر بيعـم
منتوا من الاطرافـي
دانات عـزر ويـم
والاحتـرام الوافـي
حـق علينـا يـتـم
افضيت سر خافـي
فـي قلبـي منكتـم
يا كامل الاوصافـي
الزيـن فيكـم عـم
مذهب وخلق وافـي
وبسماتـك تنسجـم
ما هو من الاخفاقـي
رزيـن ومحتـشـم
ياصافي الاطرافـي
انتـه قصـد اللـزم

(يعـل يسقى يــوم بالاجي)
يعل يسقـى يـوم بالاجـي
لي ايسلي القلـب ويريحـه
نظرة من شوقـه اعلاجـي
ينعش اللي نفسـه امسيحـه
هوه لي لي في الحشا لاجي
فيه ما اسمع قول نصيحـه
ولا عيوني اتخايل الباجـي
او لا الضحل لي سده ايبيحه
بوعيان نعـس اد عاجـي
هوه لي بعنيـه وآصيحـه
بـو ثمـان لولـؤ ناجـي
تشرح الخاطـر تفاريحـه
لي جماله فاج لـي فاجـي
لا و لا في الحور تمريحـه
النهد فـي منحـره لاجـي
كامل الشايـات والطيحـه

(مشغـوب منـك ومشغلني)
مشغـوب منـك ومشغلنـي
ياالسولعـي ياأريـش العيـن
ما حـد انـا غيـرك فتنـي
في الخود يا سيـد المزاييـن
نظـرات عينـك صوبنـي
بألحاظهن واصطبت في الحين
او آزمت من ما بـي أغنـي
بالحب لك يا لغالـي سنيـن
حزت الحسن من كـل فنـي
يا كامل في الوصف و الزين
غض غضيض صغير سنـي
تكبر و كل ما تكبـر اتزيـن
ماخلق فـي الغيـد الدمنـي
مثلك ولا قد خلق في العيـن
لـك يـادل كالليـل جـنـي
طايح على الأمتـان رظفيـن
و الجيـد باطيـاب يبـنـي
والصدر به رمـان و تيـن
والعـود مـن شافـه يظنـي
امن الخصر مقسـوم نصيـن

(حزت المغرب )
إلتمحتـه حـزة المغـرب
خشف ريم زاهي ابطيبـه
صوت لحنه شيق يطـرب
باللطافـه وزيـن ترتيبـه
من صوابي قلبـي اتعـذب
كيف ذا المحبوب اسوي به
لي وصوفه بالحسن تنهـب
نظرته يـا مانـع عجيبـه
رمش عينه كالسهم يضرب
هوه لي يعالـج تصاويبـه
لي وداده يالخـوي متعـب
دوم نفسـي فـي مطاليبـه
مطلبه بيهون لو يصعـب
منعزل ردفه عـن الحيبـه
مبعد عنـي ولـو يقـرب
في نظرته يبـدي الهيبـه
هو إذا للنفس لـو ينهـب
خاضع لامره وتصاويبـه
يعل داره من المزن تشرب
غيث" م " المعبود يضفي به
والجفاف من البلـد يذهـب
والمياه اتفيض في اشعيبـه
والغضي من منظره يطرب
وكلها الجيعان تغنـي بـه

(شاطيء الراحة)
ياشاطئ الراحة وياشاطـئ الزيـن
القلب بك يلقـي غرامـه وراحـه
ييتك وقرت من بعد شوفـك العيـن
وانسيت بك هم الزمـان وجراحـه
فيك النسايم مثـل فـوع البساتيـن
لي بالزهر يانـع وفاحـت رياحـه
بك تنتعش روح المولع من سنيـن
والقلب في قربك يزيـد انشراحـه
تلفي على شاطيـك كـل المزاييـن
لـي نافـلات بالحسـن والملاحـه
البيض لي شروا الحصابي المثامين
الخرد اللـي ينـورن كـل ساحـه
والزين لي يسكن وسط ناظر العيـن
ياكم زاره فـي مسـاه وصباحـه
زاره وزاده فوق زينه بعد زين حتى
غـدا للحسـن والـزيـن واحــه

(عذلت نفسي)
عذلت نفسي عن هواكـم
واقنتها بللـي لهـم قـد
ضافين ما صاروا شراكم
يروون ولهم دونيه حـد
وابعدت نفسي عن حماكم
ومن النكاده ريت لي بـد
واخلصت نفسي من عناكم
واليوم قلبي عنكـم ابعـد
في ربوة ما هـو حذاكـم
في شامخ اخضر ويسنـد
والشهد اضرب عقب ماكم
لي مدحن مكدر ومسـود
مرفوض عذر من جداكم
ومحال نفسي صوبك اترد
هذا جوابي اليـوم ياكـم
والباب عنكم غلج وانسـد
دخن لـي كـدر سماكـم
ماهوب غيم خيـره ايبـد
لي عاضني هب مستواكم
عالي مقامه عنـدي وقـد
واخلاق واطباعه عداكـم
جيون من الدانـات يفنـد

رحمك الله يابونا الغالي

م,,,ن,,,ق,,,و,,,ل

ثااااانكس حبووبه ع القصاايد
نتريا اليديد